පොදු බඩගින්න
නෑ දැනුනේ
දුකේ සිරි
වතුරෙන් බොහෝ දුර
යා හැක
හතිත් නැති
හිටියට විරිත්තං
ණය ඇත
වටට පිරි
මොනවට කියනවද
පව් ඇති
ගනිං දිරි
කාමරෙ හාදයන්
පිහිටයි අද රෑට
උදයට දෙවියනේ
දේවා දිරි ඉන්ට
ලැජ්ජාවට වගේ
කෑවා දවාලට
මොනවා කරන්නද
පෙරකල පව් වලට
හිත් ඇවිලිලා
නින්දක් නෑ මැදියමට
මොනවා උනත්
උදයට බැස කලිසමට
යායුතු බව දනි
පෙර ඒ කනිසමට
නිදිමත වෙයං දෙවියනි
පෙර අලුයමට
මොනවා හෝ යමක් පිනවා
ඇගේ සිත
රසකර ගන්න දේවල්
උන්ලගේ බත
ගෙනිහිං තියන්නට හැකිනම්
අම්මගේ අත
ණය ඇර යමක් අම්මේ මා
අතේ නැත
No comments:
Post a Comment