කක්කුස්සි දොර

කුස්තුර අතරින්

රත්තරං පාටට

ඉර එලිය

හතිඅතේ ගහපු 

රබර් ලෑලි

හැමවෙලෙ බයවෙලා

මුල්ලක 

මකුලුවෙක්

කූබි පෙලිය තවත් 

දුවනවා 

ගැටි දිගේ

පිත්තල නෑ

කම්බි ඇන

සැලකිලි අඩු

මේක 

කක්කුස්සි දොර

Nurse ගහල බෙහෙත් දැම්ම 🤕

                                                          නඩු අංක බිංදුවයි දහතුන

                                                          මේසැරෙත් චූදිතයි මං

                                                           සුරත ගෙන ඇබරුවා

                                                          ද්වේශයෙන් ඇන තදින්

                                                          දැවිල්ලයි රිදෙනවා

                                                          තුවාල ඇගපුරා

                                                          කොහෙද තුවාල කෝ

                                                          ගෙන්නාව බෙහෙත්, දාමු

                                                          මෙතන තුවල වෙලා නෑනෙ

                                                          හැබැයි ගැහුවනේ

                                                          ගහපු උන්ම බෙහෙත් දානව

                                                          මාත් ඔය දැක්කමයි

                                                          My lord,

                                                          මේ පාරත් 

                                                          Nurse ගහල බෙහෙත් දැම්ම

පා.ම

අපේ සල්ලි වලින් ගත්ත
ඔබ තුමාගෙ cadillac එක
ඊයෙ දැක්කා
ජාති වන්ඩිය සර්..

බෝඩ් එක නොතිබ්බනම්
අම්පා, අදුරන්ඩ බෑ
ඔබ තුමාගෙ කියල...


තෙල් නම් බොනව ඇති
මයෙහිතේ...

සැප මදිනං කියන්ඩ ඕං
ගිල්ලල,
ගේමු සුපිරි භාන්ඩයක් ආයි...

අපේ අවුරුදු

අද ඉදන් ආයිත්,

බෙඩ් ටී නැත

උදේට බත් නැත

දවල්ට පැලෙන්න කාපු

බත් කොත් නැත

රෑට අජිනමටො ඇත

ඉතිං මේ දවස් පහට 

අවුරුද්ද කිව්වට මොකද බං

අවුරුදු (සාරාංශය )

ඩයල් බැංකු වලට ණය වූ අතර 

දෙකයි පනහේ උන් 

කිරිබත් කා සතුටු වුහ.

car park එක

වැඩ ටික ඉවරවෙලා 

ගෙදර යන්න බස් එකට දුවද්දි,

කෑම වෙලාවෙදි පිරිල තිබ්බ 

car park  එක,

උදේ දකිද්දි වගේම 

හිස්...

උබලගේම වීරයන්

උබල වෙනුවෙන් සටනේ 

උබලගේම වීරයන් 

උබලගෙම අවි වලින් 

යටත් කර බිම හොවා 

උබලගෙම කරපිටින් 

උබලගෙම වධක බිම් 

වෙත වඩිනවා 

උන්ගේම මත ඉදං 

උන්ගේම මරණයට
උබල ජයපැන් පුරනවා

Photo : http://sheltonguide.com/good-timber.htm

කාමරේ නිරුපිකාව

මොනාද ඔය සබන්

මං ගෑවට නෑ

සුවද ඔය තරම්

තෙත කොන්ඩේ

පිහදපන්

වතුරට පෙගිලද

මොලේවත් උබේ

දග ඔය තරම්

පිටදී සිල් ගත්තු

දැන් මරගනන්

හිරකරන් හිටපු

හද පුපුරන තරම්

කාමරේ නිරුපිකාව

වෙන කොහෙද

දක්ෂ කම් 

මෙතරම්

හැන්දෑව

සරල අනුරුප 

සිහිල් නල නාද 

නිසාචර සියොත් 

පාන අවලාද 

නිමාකර දහව 

දිවාකර යාම 

සැමරුම් සාද 

සිහිකළා අහස 

කාළ ඝන තාර 

වාමන රූප 

මුණු පුස් පාට 

තාර මත වාද විය 

නැතිව මුව නාද 

සොදුරියගේ ගාව 

නිවුණු ළය රාව 

තුහින වී ගිලිහුනා 

තුලින් සළු මේඝ 

කෙල්ලෙක්

කෙල්ලෙක්ලු

අම්ම වගේ

ටීචර් උබ මම ළමයා

වැලි බතට උබ අම්ම

රෝස මල් කැකුලු

හිමිදිරියේ පිපුනා

ගෙදර හෙන උත්සවය

නාවලා ගෙට ගත්තා 

ගමෙ අපි වැදගත්‍තු

නඩේටම අඩගැහුව

අත් දිගට ඇදගත්තු

යක්කු රහමෙර බිව්ව

ගොම්මනට ගෙට වෙයං

කලු කුමාරයො ගොඩයි

ලෙන්ගතු දෙවියෝ

ඇතුලෙ වල් සත්තු

වටේටම ඉවකරං

ආදරේ දික්කරයි

රත්තරං කරලන්න

දෑවැද්දේ බර බලයි

කලු පටිය පලදන්නේ

මොහොතකට සුව බලන්

සුන්දරලු රතු මල්

මගුල..

උන්ට ඕනි ලේ මල්

හීනෙන් ඇහැරෙද්දි

පොඩිම මල උබ

ඒ පොකුරෙ

පරිස්සමට ඉදපං...

සලුව අරං ගිය හුලගට

ආවඩන ලෝකයක් අස්සෙ

එකෙක් ඉදීවි 

හුලගත් එක්ක තරහෙන්

පිටකොටුව - ගම්පහ

කෙල්ලෙක් නැතුව බෑ 

200යේ යන්න

නිදිව්වත් බෑ 

එච්චර නිදියන්න 

හීන දහයයි 

කිරිබත්ගොඩට යන්න